Makambakano a Bukomo bwa mu Ñeni ku Bankasampe—Le Bible Unena’po Namani?
Makambakano a Bukomo bwa mu Ñeni ku Bankasampe—Le Bible Unena’po Namani?
Mu Dya Mwanzo, mafuku 13 Kweji 2, 2023, Bulongolodi bwa mu Amerika Butala Myanda ya Bimpengele (CDC) bwalupwile lapolo itala bukomo bwa mu ñeni bwa bankasampe mu États-Unis. Bwanenene amba bana ba masomo 40 pa katwa ba kusekondele bekondanga na njia ne kutyumukwa mutyima mu bula bwa kitatyi kilampe.
Dokitele Kathleen Ethier mwimaniji wa Kipindi Kitala Myanda ya Bankasampe ne Būmi bwa ku Masomo kya CDC, wanenene amba: “Twi bamone amba bukomo bwa mu ñeni bwa bankasampe bwendanga bubipila’ko mu ino myaka 10 ne musubu ipityile’i. Inoko bukomo bwa mu ñeni bwa bankasampe bana-bakaji bo bwine bwabipila’ko kutabuka, kadi kudi bankasampe bavule bana-bakaji balanga ya kwiyoa, nansha bakimba kwiyoa.”
Lapolo yanenene amba:
-
Bankasampe 14 pa katwa baningīlwe kulāla nabo abo kusaka mpika. Dokitele Ethier unena’mba: “Bine uno i mwanda uleta bulanda. Pa bankasampe bana-bakaji 10 boyukile, umo pobadi, padi enka ne kupita, ke balālwe ku bukomo.”
-
Kisengele bankasampe bana-bakaji 30 pa katwa balañanga bininge ya kwiyoa.
-
Kisengele bankasampe bana-bakaji 57 pa katwa bekondanga kyaba kyonso na njia ne na kutyumukwa mutyima.
Bine bino bibalwa bileta bulanda. Bukansampe bufwaninwe kwikala kitatyi kya nsangaji. Le i bika bibwanya kukwasha bankasampe balwe na kutyumukwa mutyima kobekonda nako dyalelo? Le Bible unena’po namani?
Bible upa bankasampe madingi a kamweno
Bible wisambilanga pa bino bitatyi bibi byotudi’mo dyalelo ne kwibitela bu “bitatyi bya makambakano bikomo ne mwa kulongela.” (2 Temote 3:1-5) Inoko, Bible uleta madingi mayampe mene akwasha bankasampe midyo ne midiyo ntanda yonso balwe na makambakano obekonda nao dyalelo. Tala bino bishinte bīsambila pa Bible.
Bukwashi ku bankasampe bekonda na milangwe ya kwiyoa
Bukwashi ku bankasampe bekonda na kutyumukwa mutyima, njia, nansha milangwe mibi
-
Le Wi Muntu wa Mankaleja’ni wa Nsangaji (video ya bifwatulo bijina)
Bukwashi ku bankasampe bekonda na kusombwa nansha kunenenwa bibi pa Entelenete
-
Kupila Kipalapala Pampikwa Kwingidija Bikoni (tabulo wa bifwatulo bijina)
Bukwashi ku bankasampe bekonda na kuningilwa kulonga busekese ne kulālwa ku bukomo
-
Les agressions sexuelles : que faut-il savoir ? (1re partie) : prendre des précautions
-
I Bika Byofwaninwe Kuyuka pa Mwanda Utala Kujilulwa?—Kipindi 2: Kwialuja
Bible upa bambutwile madingi a kamweno
Kadi Bible upānga bambutwile madingi a kamweno amba babwanye kukwasha babo bana bankasampe balwe na makambakano a mu būmi. Tala bino bishinte bīsambila pa Bible.
Tala'po Bidi ne Bino:
KITEBA KYA MULAMI
Ntanda Yonso Bantu Bekondanga na Misongo ya Kujinwa Ñeni
Misongo ya kujinwa ñeni ibwanya kubēla muntu ye-yense, ekale mutame nansha nkasampe, nansha wa kitamina’ka. Tala buludiki bwa Bible mobubwanya kukukwashisha wikale na ñeni mibwane.
ESSENTIAL BIBLE TEACHINGS
Mwanda Waka Leza Ulekele’ko Masusu?
Bantu bavule beipangulanga kine kivudile pano pa ntanda mushikwa ne masusu. Bible uleta malondololo mayampe kadi asenga.
LE ANO MAVESE A MU BIBLE ASHINTULULA BIKA?
Ñimbo ya Mitōto 23:4 Washintulwa—“Nansha Mpite mu Musanza wa Munjiñininya Mukatampe”
Le batōtyi ba Leza bakiñwanga ne kukwatakanibwa muswelo’ka kitatyi kyobadi mu mafuku mabi nansha a tusua tukomo?
MYANDA ITUTALA
Lomba Kwifunda Bible
Mwisambilei pa bipangujo bya mu Bible, yukila’ko bivule pa Batumoni ba Yehova.
