Lelo Butumbula Bukapwa?
Kitatyi kilongeka butumbula, ubwanya padi kwiipangula’mba: ‘Lelo Leza witutele mutyima? Mwanda wa bika bino byonso bilongeka? Lelo butumbula a bukapwa? Le nsa kulonga namani na uno moyo?’ Bible ulondolola senene bino bipangujo.
Lelo Leza umwene namani butumbula?
Leza ushikilwe bukalabale ne butumbula. (Ñimbo ya Mitōto 11:5; Nkindi 6:16, 17) Yesu, ntunguluji wa Leza wāpeleje bana bandi ba bwanga pobātongele kwilwija na bukalabale. (Mateo 26:50-52) Nansha bamo byobalonga bintu bya bukalabale mu dijina dya Leza, Leza aye kebapēlepo lupusa lwa kulonga’byo. Ne kadi bidi, katejangapo milombelo yabo.—Isaya 1:15.
Leza utele mutyima boba bonso basusuka, enka ne boba batambilwe na batumbula. (Ñimbo ya Mitōto 31:7; 1 Petelo 5:7) Bible unena’mba Leza usa kulonga’po kintu mwanda wa kupwija bukalabale.—Isaya 60:18.
Nsulo ya butumbula
Bible ulombola bubinga bwikadile’ko butumbula’mba, i mwanda muntu ubikele “muntu mwanda wa kumusanshija.” (Musapudi 8:9) Mu bula bwa mānga ya muntu, bantu badi na lupusa i bengidije butumbula mwanda wa kususula bakwabo. Pa kulwa na uno mwanda, boba basusulwa nabo ke bajokeja butumbula na butumbula.—Musapudi 7:7.
Mfulo ya butumbula
Leza ulaile kufundula’ko moyo ne bukalabale ne kwibipingakanya na ndoe pano pa ntanda. (Isaya 32:18; Mika 4:3, 4) Usa:
Kutalula’ko nsulo ya butumbula. Leza usa kupingakanya imbikalo ya bantu na umbikalo umo kete ntanda yonso. Yesu Kidishitu, Mulopwe wa uno umbikalo ukalongela muntu ne muntu bintu na boloke, ne kufundula’ko kasusu ne bukalabale. (Ñimbo ya Mitōto 72:2, 14) Mu kitatyi’kyo, kekukekalapo muntu wa kwingidija butumbula pa kwilwija. Bantu “bakaloelelwanga bininge mu bungibungi bwa ndoe.”—Ñimbo ya Mitōto 37:10, 11.
Kulongolola bintu byonso byonenwe na butumbula. Leza usa kundapa bantu ku byaso bitamba ku butumbula, bikale bya ku ngitu nansha bya mu bongolo. (Isaya 65:17; Kusokwelwa 21:3, 4) I mulaye’nka ne kusangula bafwile amba ebajokeje bekale bōmi pa ntanda miyule ndoe.—Yoano 5:28, 29.
Bible witupa bubinga bwa kukulupidila’mba Leza usa kulonga’byo panopano ponka. Inoko, padi ye uno wiipangula’mba: ‘Mwanda waka Leza kapwile butumbula kufika ne pano?’ Pa kutana kilondololwa, tala video inena’mba, Mwanda Waka Leza Ulekele’ko Masusu?
a Divule kishima “butumbula,” kifunkilanga pa kuzakaja bantu na bukalabale—nakampata basivile—mwanda wa bevwane moyo ne mwanda wa kufikila pa kitungo kampanda mu myanda ya politike, kipwilo, nansha ya būmi bwa bantu. Shako milangwe ya bantu ibwanya kwishila pa kuyuka shi kilongwa kampanda i butumbula nansha ke butumbulapo.
Tala'po Bidi ne Bino:
MYANDA MIKWABO
Mwa Kulekela Kuzumbija Mutyima
Le madingi a kamweno ne bisonekwa bibwanya kukukwasha namani uleke kuzumbija mutyima bya bitupu?
MYANDA MIKWABO
Lukulupilo lwa Bine lwa Būmi Bulumbuluke bwa Kumeso
Le milao idi mu Bible i mishile namani na milao ya bantu ne bintu byobabadikila kunena?
BIPANGUJO BYA MU BIBLE BILONDOLWELWE
Lelo Bulopwe bwa Leza I Bika?
Tala kine kinenenwa’mba buludiki bwa Leza i butabuke maludiki makwabo onso.
KITEBA KYA MULAMI
Le Bulopwe bwa Leza Bukalonga Bika?
Yesu wādi uyukile amba Bulopwe bwa Leza Kete ye buludiki bumo bukapwa makambakano pano pa ntanda. Le i bintu’ka ke bilonge kala buno Bulopwe biningija kikulupiji kyetu?
MYANDA MIKWABO
Le Kukekala Boloke pano pa ntanda?
Bible ulombola’mba boloke bwa bine butambanga kudi Leza, mwine umwene būmi bwa bantu na bulēme bumo bonka.
ESSENTIAL BIBLE TEACHINGS
Mwanda Waka Leza Ulekele’ko Masusu?
Bantu bavule beipangulanga kine kivudile pano pa ntanda mushikwa ne masusu. Bible uleta malondololo mayampe kadi asenga.
