Ñuma ikolomonwa na bisumpi bya bantomboki i mivule mu Haiti. Bilongwa bya bukalabale bubibubi nabyo bisusulanga bantu mu Afrika wa Kunshi, mu Meksike, ne mu matanda makwabo a mu Amerika wa Kunshi. Nansha ke kokwa kutyepele bilongwa bya bukalabale, malapolo alombola’mba bintu bya bantu byonakanibwanga bibibibi kadi mu muswelo ulenga moyo.

 Le Bible unena bika pa bitala kujilula bijila kulongeka ntanda yonso?

 Bible wālaile amba kujilula bijila nako i kiyukeno kya “mvuyo ya ngikadilo ya bintu.” (Mateo 24:3) Yesu Kidishitu paātelele binkumenkume bya mu kino kiyukeno, wānenene amba:

•   “Pa mwanda wa kuvula kwa kujilula bijila, buswe bwa bangi bene bukatalala.”—Mateo 24:12.

 Kadi Bible wālaile amba “mu mafuku a mfulo” bantu bakekala “ba kubulwa kwīfula, ba bukalabale bwa malwa, bampikwa kusanswa buyampe.” (2 Temote 3:1-5) Tuno tuyukeno twa kwisakila tubadilwa mu bintu bileta kujilula bijila kotumona dyalelo.

 Ino tubwanya kwikala na lukulupilo. Bible i mulaye amba panopano ponka kujilula bijila kekukekala’kopo.

•   “Kubashala kakitatyi katyetye’tu, babi kebakekala’kopo monka; ukatala pobādi, kebakekala’popo. Ino betyepeje bakapyananga ntanda, kadi bakaloelelwanga bininge mu bungibungi bwa ndoe.”—Ñimbo ya Mitōto 37:10, 11.

 Wifunde myanda mivule itala musapu wa lukulupilo wa mu Bible, kadi yuka bubinga bulombola’mba myanda yotumona dyalelo ifikidijanga bupolofeto bwa mu Bible. Tala bishinte bilonda’ko’bi.

 “Lukulupilo lwa Bine lwa Būmi Bulumbuluke bwa Kumeso”

 “Le Kiyukeno kya “Mafuku a Mfulo,” Nansha “Kyaba kya ku Mfulo” I Kiyukeno’ka?”

 “La Bible a-t-elle prédit la mentalité et la conduite des gens de notre époque ?”