Lūbako lwa tempelo ya Isalela lwālombele mwingilo mukomo ne lupeto luvule. Ino, bene Isalela bākwatakenye uno mwingilo na bupyasakane. (1Bi 29:2-9; 2Bi 6:7, 8) Tempelo pa kupwa kūbakwa, muswelo wēilongolwele bene Isalela wādi ulombola shi badi na bupyasakane nansha na bukōkekōke ku mushipiditu. (2Ki 22:3-6; 2Bi 28:24; 29:3) Dyalelo nadyo, bene Kidishitu bapānanga kitatyi ne bukomo bwabo mu kūbaka, kukundula ne kulongolola Mobo a Bulopwe ne Mobo a Bitango. Bine, kwingila pamo na Yehova mu uno muswelo i dyese dikatampe dibadilwa mu mwingilo wetu ukola.—Ñi 127:1; Kus 7:15.

• Kukundula pa kupwa kupwila konso. Shi kubwanyapo, boya nansha butyafu budi kubwipi na poshikete.

• Kutanwa kitatyi ne kitatyi ku mwingilo wa kukundula ne kulongolola Njibo ya Bulopwe. Nzovu pa bungi i kalulu.—lv p. 92-93 mus. 18.

• Kuleta byabuntu bya lupeto. Nansha shi byabuntu i “tubityele tubidi twa bulēme butyeye” tupānwa na mutyima tō tusangajanga Yehova.—Mak 12:41-44.

• Witume ku mwingilo wa lūbako ne wa kulongolola mobo a kiteokratike kukwatañana na ngikadilo yodi’mo. Pa kutwela mu uno mwingilo kebikulombepo’nka kwikala muyuke kūbaka.