Yesu wānenene mu Busapudi bwandi bwa ku Lūlu amba: “Lekai kukambakanya mityima pa mwanda wa myuya yenu.” (Mat 6:25) Nansha byobidi byendele’mo bantu ba kubulwa kubwaninina bashikete mu ntanda ya Satana bazumbije mutyima kyaba kimo, inoko Yesu wāfundije balondi bandi baleke kukambakanya mityima bipitepite. (Ñi 13:2) Mwanda waka? Mwanda kukambakanya mutyima bipitepite, nansha ke pa mwanda wa bisakibwa bya difuku ne difuku, kubwanya kwitulabika, ne kwitulengeja tukomenwe kukimba bidi Bulopwe. (Mat 6:33) Bintu byānenene Yesu biketukwasha tuleke kuzumbija mutyima byampikwa kwendela’mo.

• Mat 6:26​—I ñeni’ka yotuboila ku kubandila toni? (w16.07 p. 11-12 mus. 11-13)

• Mat 6:27​—Mwanda waka kuzumbija mutyima bipitepite kujimijanga kitatyi ne bukomo? (w05 1/11 p. 28 mus. 5)

• Mat 6:28-30​—I ñeni’ka yotubwanya kuboila ku maluba a mu ntanda? (w16.07 p. 12-13 mus. 15-16)

• Mat 6:31, 32​—Le bene Kidishitu i beshile na mizo mu myanda’ka? (w16.07 p. 13 mus. 17)

I kika kyonsakila kuleka kuzumbija mutyima pa?