Wimone bwa abe ushikete mu Ngadilea mu kitatyi kya Yesu. Ubaenda ku Yelusalema kukasoba Masobo a Bitanda. Kibundi kityikinya batōtyi nobe batambile kulampe. Ukimba kwela kitapwa kudi Yehova. Uselele mbuji obe, ubashilula kwenda upita mu mashinda a kibundi mayule bantu benda ku tempelo. Abe ufika, ubatana ku tempelo nako kuyule bantu bā bakimba nabo kwela bitapwa. Kupwa, ke abe wakupa babitobo mbuji obe. Nka pene’pa ubavuluka’mba mwanenu, udi padi mu kibumbo nansha mu kibundi udi nobe mwanda. Yesu ulombola byofwaninwe kulonga. (Tanga Mateo 5:24.) Le abe ne mwanenu omwipile nandi myanda mukalondalonda ndoe namani na musoñaninye’byo Yesu? Samuna malondololo a bine mu kapango ne kapango.

UFWANINWE . . .

• kwisamba na mwanenu enka shi ubamone amba mwanenu’wa udi na bubinga bwendele’mo bwa kulobela

• kulemununa milangwe ya mwanenu shi ubamone amba i mulobe bininge nansha kumulambika myanda

• kuteja na kitūkijetyima pesamba mwanenu, nansha shi kwivwanijepo senene byasaka kunena, abe mulombe lusa na mutyima umo pa kumusanshija komusanshije pampikwa kusaka na bilongwa byobe ne pa kufitwa kwandi

MWANENU UFWANINWE . . .

• kukimba bakwabo mu kipwilo bamwitabile na kwibasapwila momusanshijije

• kukufunina, kubala byonso byokodi mumusanshije ne kukuningila witabije kilubo

• kukufwija’ko pa kwityepeja ne bukankamane bobe pa kwiya kwadi ne kukulekela na mutyima umo

Nansha dyalelo mu butōtyi bwetu byokemukidipo bitapwa bya banyema, ino i bika byāfundije Yesu pa kukwatañana kudi pa kwikala mu ndoe na mwanetu ne butōtyi bwitabijibwe na Leza?