Shi ukidi musapudi wakubulwa kubatyijibwa nansha shi ukifundanga Bible, le wi mwitungile kitungo kya kubatyijibwa? Mwanda waka i biyampe ubatyijibwe? Mwanda kwipāna ne kubatyijibwa kukakukwasha upwana kipwano kya pa bula na Yehova. (Ñi 91:1) Kadi kwipāna ne kubatyijibwa kubwanya ku kupandija. (1Pe 3:21) Le i bika bibwanya kukukwasha ubwanye bisakibwa pa kwipāna ne kubatyijibwa?

Kulupila na mutyima umo amba buno bo bubine. Longa bukimbi bwa mushike abe mwine utane malondololo ku bipangujo byobwanya kwiipangula. (Lo 2:2) Jingulula ngikadila yonso yofwaninwe kushinta, kadi wiishinte na kitungo kya kusaka kusangaja Yehova. (Nki 27:11; Ef 4:23, 24) Mulombe kyaba kyonso akukwashe. Kulupila’mba Yehova ukakukomeja ne kukukwatakanya na mushipiditu wandi ujila wa bukomo. (1Pe 5:10, 11) Bukomo bolonga budi na mvubu, mwanda kwingidila Yehova bo būmi butabukile kunengela!​—Ñi 16:11.

TALAI VIDEO DISHINDA DITWALA KU KUBATYIJIBWA, KUPWA LONDOLOLAI BINO BIPANGUJO:

• Le i bijika’ka byanekenye bamo kumeso kwa kubatyijibwa?

• Le i muswelo’ka obwanya kwikala na lwitabijo lusakibwa pa kwipāna kudi Yehova?

• Le i bika byakweshe bamo babwanye bisakibwa bya kubatyijibwa?

• Le i madyese’ka emwenanga boba batoñanga kwingidila Yehova?

• Le kwipāna ne kubatyijibwa i bika?