Le i makambakano’ka owikondanga nao difuku ne difuku? Le wi mutwe wa kisaka muvudilwe bya kulonga? Le wi mbutwile ulelele bana bunka ulonga bukomo bwa kusasaketa kisaka? Le wi nkasampe ukolomonwa na bakwenu ku masomo? Le wikondanga na misongo ya zenzeka nansha na bununu? Batwe bonso tudi na bikoleja. Bene Kidishitu bavule batanwanga na bikoleja bivule mu kitatyi kimo kyonka. Ino, tuyukile amba panopano ponka tusa kukūlwa ku bino bikoleja byonso.​—2Ko 4:16-18.

Inoko pano, tuseñwanga pa kuyuka’mba Yehova uyukile biyampe makambakano otwikonda nao, usangelanga muswelo otwiōminina koku tulamete kwadi, kadi i mwitubīkile madyese mavule kume- so’ku. (Yel 29:11, 12) Kadi Yesu nandi witutele mutyima. Potwingilanga mingilo yetu ya bwine Kidishitu, i mwitukulupije amba: “Ami ngidi nenu” (Mat 28:20) Shi twitūdila’ko kyaba kya kulangulukila pa motukakūdilwa mu mafuku a kumeso mu Bulopwe bwa Leza, tukaningija lukulupilo lwetu ne kusumininwa kūminina makambakano etutana dyalelo.​—Lo 8:19-21.

TALAI VIDEO PANO PAFWENA KIVULA KIKATAMPE, TALA’NKA YESU!​—MADYESE AKALETA BULOPWE, KUPWA LONDOLOLAI BINO BIPANGUJO:

• Le bantu bāpalukile kudi Leza muswelo’ka, ne i bika bilupukile’ko?

• Le i bika bitengele bonso bakōkele Yehova?

• Le buno būmi bulumbuluke bwa kumeso bukabwanika kupityila ku bika?

• Le i madyese’ka a mu ntanda mipya otengele kwimwena?