Yehova wādi ulongololanga bene Isalela, ne dyalelo nadyo ukilongololanga bantu bandi mwanda wa balonge kiswa-mutyima kyandi. Kujokoloka ntanda yonso, mabilo a misambo, bipindi, bipwilo, ne bisumpi bya busapudi, byonso bingidilanga pamo mwanda wa myanda miyampe isapulwe. Tusapwilanga bantu ba miswelo yonso, kubadila’mo ne boba besambanga ndimi myeni.​—Kus 14:6, 7.

Le kashā kodi mulange ya kwifunda ludimi lweni mwanda wa kukwasha bantu bayuke bubine? Shi kudipo na kyaba kya kwifunda ludimi lweni, ubwanya kwifunda musapwilo upēla wa mwa kusapwila mu ludimi lweni kupityila ku mpangiko ya JW Language. Shi wingidije musapwilo’wa mu busapudi, nabya ukemwena nsangaji yēmwenine banabetu ba mu myaka katwa kabajinji kitatyi kyāivwene bantu ba mu matanda palapala “bintu bikatampe bya Leza” mu ndimi yabo.​—Bil 2:7-11.

TALAI VIDEO IKALA MULUNDA NA YEHOVA​—SAPULA MU LUDIMI LWENI, KUPWA LONDOLOLAI BINO BIPANGUJO:

• Le mpangiko ya JW Language ibwanya kukukwasha kitatyi’ka?

• Le JW Language i mpangiko miyampe namani?

• Le bantu ba mu wenu mwaba besambanga ndimi’ka?

• Le i bika byofwaninwe kulonga shi muntu wasangela musapu wa Bulopwe wisambanga ludimi lungi?​—od p. 100-101 mus. 39-41