Kinenwa kya Leza kibwanya kushinta būmi bwetu. (Bah 4:12) Nanshi, tubwanya kumwena’mo enka shi tulonda buludiki, bulombodi ne madingi, na kwitabija’mba i “kinenwa kya Leza.” (1Ts 2:13) Ino i muswelo’ka otubwanya kuningija kikulupiji kyetu mu Bible?

I kutanga Bible difuku ne difuku. Potanga’ye, kimba bintu bikukulupija amba Yehova ye wālembeje’ye. Kimfwa, shi ubandaule madingi adi mu mukanda wa Nkindi ukamona’mba mudi tunangu twa kitatyi kyonso.​—Nki 13:20; 14:30.

Witungile kitungo potanga Bible. Kimba bintu bilombola’mba Bible i musonekwe ku bukomo bwa mushipiditu. Kimba mu Dibuku dya Bukimbi dya Batumoni ba Yehova, twela pobalembele amba “Bible” kupwa enda pobalembele amba, “Wa ku Bukomo bwa Mushipiditu wa Leza.” Kadi ubwanya kukomeja kikulupiji kyobe amba musapu wa mu Bible keushintangapo na kubandaula myanda idi mu Mbwejo A3 mu Bwalamuni bwa Ntanda Mipya.

TALAI VIDEO, MWANDA WAKA TWITABIJE . . . KINENWA KYA LEZA, KUPWA LONDOLOLAI BINO BIPANGUJO:

• Le bintu byasokwelwe mu tempelo ya Karnak, mu Edipito bilombola namani amba Kinenwa kya Leza i kyabine?

  Your answer

• Le tuyukile namani amba musapu udi mu Bible keushintangapo?

  Your answer

• Kukomenwa kobakomenwe konakanya Bible, kulombola namani amba Bible i Kinenwa kya Leza?​—Tanga Isaya 40:8

  Your answer