Tusakanga kusangaja Yehova mu byonso byotulonga. (Nki 27:11) Pa kufikila’po, tufwaninwe kukwata butyibi bulombola mulangilo wandi nansha shi bijila kebinenenepo patōkelela pa butyibi botukimba kukwata. Le i bika bibwanya kwitukwasha?

Twikalei na kibidiji kya kutanga Bible difuku ne difuku. Kitatyi kyonso kyotutanga Bible, bidi pamo bwa batwe bapityija kitatyi pamo na Yehova. Tubwanya kuyuka mulangilo wa Yehova na kumona muswelo waāikele na bantu bandi. Kadi tukayuka bimfwa bya bantu bālongele bintu biyampe nansha bibi mungya mumweno wa Yehova. Shi ketukwata butyibi, mushipiditu wandi ubwanya kwitukwasha tuvuluke myanda ne misoñanya byotwefundile mu Kinenwa kya Leza.​—Yoa 14:26.

Kulonga bukimbi. Shi kokwata butyibi, wiipangule amba: ‘Le i mavese’ka nansha i nsekununi’ka ya mu Bible ibwanya kunkwasha ngivwanije mumweno wa Yehova pa uno mwanda?’ Lomba Yehova akukwashe kadi longa bukimbi mu bingidilwa bya bukimbi bitanwa mu lobe ludimi mwanda wa usokole misoñanya ibwanya kukuludika pokwata butyibi.​—Ñi 25:4.

TALAI VIDEO, “TUNYEMEI NA KŪMININA”​—TUDYEI BIDIBWA BYA BUMENI, KUPWA LONDOLOLAI BINO BIPANGUJO:

• Le i kuningilwa’ka kwalwile nako kaka nkasampe otwamona mu ino video?

  Your answer

• I muswelo’ka obwanya kwingidija bingidilwa bya bukimbi mwanda wa kukukwasha powikonda na kuningilwa?

  Your answer

• Le kifundwa kya pa kasuku ne kulonga bukimbi bitukwashanga namani tukwate butyibi buyampe?​—Bah 5:13, 14

  Your answer