Mwaka ne mwaka bantu ba Yehova batengelanga na kipyupyu kulonga Kivulukilo. Mayenga abadikile Kivulukilo ne kupwa kwa’kyo twikalanga na mikenga ya kufwija’ko Yehova pa kyabuntu kya kitapwa. (Ef 1:3, 7) Kimfwa, twitanga bantu batanwe netu ku Kivulukilo. Bamo motudi bakwatanga butyibi bwa kwingila bupania mukwashi na kutūla mansá 30 nansha 50 mu Kweji 3 ne Kweji 4. Le ubulwe’po nobe kusapula’ko bininge mu kitatyi kya Kivulukilo? Le i bika bikakukwasha ufikile’po?

Tubwanya kufikila’po biyampe shi twiteakanye kumeso kwa kitatyi. (Nki 21:5) Pano Kitatyi kya Kivulukilo kibafwena, nanshi kwata’ko mpangiko. Bandaula muswelo obwanya kutandabula mwingilo obe wa busapudi mu kitatyi kya Kivulukilo ne kumona i bintu’ka byosakilwa kulonga pa kufikila pa bitungo byobe. Kadi lomba Yehova esele bukomo bolonga.​—1Yo 5:14, 15.

Le kodi mulangulukile pa muswelo obwanya kutandabula mwingilo obe mu kitatyi kya Kivulukilo?