19-25 Kweji 2
ÑIMBO YA MITŌTO 8-10
Lwimbo 2 ne Milombelo | Binenwa bya Ñanjilo (Mun. 1)
1. “Nkakutendelanga, A Yehova”!
(Min. 10)
Yehova i muyampe bininge kotudi (Ñi 8:3-6; w21.08 p. 3 mus. 6)
Tudi na nsangaji ya kutendela Yehova na kusapwila bakwabo mingilo yandi ya kutendelwa (Ñi 9:1; w20.05 p. 23 mus. 10)
Kadi tumutendelanga kitatyi kyotumwimbila na mutyima wetu onso (Ñi 9:2; w22.04 p. 7 mus. 13)
WIIPANGULE AMBA, ‘Le i mu miswelo’ka mikwabo mombwanya kutendela Yehova?’
2. Byabupeta bya ku Mushipiditu
(Min. 10)
-
Ñi 8:3—Le kaimba wa mitōto wādi ukimba kunena bika pawēsambīle pa minwe ya Leza? (it-1-F p. 663)
-
Le i byabupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Ñi 10:1-18. (th kifundwa 11)
4. Mwa Kushilwila Mīsambo
(Min. 3) KU NJIBO NE NJIBO. Mwinē njibo wakulombola amba ketabijepo mudi Leza. (lmd kifundwa 5 kakipindi 4)
5. Muswelo wa Kulondelela Kusangela
(Min. 4) BUSAPUDI BWA KIPONKA NA PONKA. Mu mīsambo yapityile muntu wakulombwele amba ketabijepo mudi Leza, inoko witabije mubandaule bukamoni bulombola’mba Umpangi udi’ko. (th kifundwa 7)
6. Mwisambo
(Min. 5) w21.06 p. 6-7 mus. 15-18—Mutwe wa Mwanda: Kwasha Bomwifundanga Nabo Bible Batumbije Yehova. (th kifundwa 10)
Lwimbo 10
7. Wisambe Mwisambilwanga Posapula bya Kiponka na Ponka
(Min. 10) Kwisamba na Bevwaniki.
Muswelo umo bidi otubwanya kutendela Yehova bininge i kusapwila boba botwitana nabo mu mingilo yetu ya bukile-bukya. (Ñi 35:28) Dibajinji, padi tubwanya kutuyuka pa kusapula bya kiponka na ponka. Ino shi twifunde mwa kushilwila ne mwa kwendelejeja mīsambo munenenwanga, tukayuka mwa kwibilongela biyampe ne kwibisangela!
Talai VIDEO, Ikala na Mutyima wa Kusapula “Myanda Miyampe ya Ndoe”—Shilula Mīsambo. Kupwa ipangula bevwaniki amba:
Le i bika byowefunda mu ino video bibwanya kukukwasha usapule biyampe bya kiponka na ponka?
Ano manwa alonda’ko abwanya kukukwasha ushilule mīsambo:
-
Kimba mikenga ya kushilula mīsambo ponso potamba ku njibo. Lombela pa uno mwanda, mulombe Yehova akuludikile ku bantu ba mutyima muyampe
-
Ikala bya bulunda ne kuta bantu bowitana nabo mutyima. Tompa kuyuka kintu kampanda padi muntu mwanda wa uyuke i bubine’ka bwa mu Bible bubwanya kumusangaja
-
Shi bibwanika mwipei nandi manimelo
-
Kokityumukwa mutyima shi mīsambo ibafule kumeso kwa abe kumusapwila
-
Langulukila pa muntu’wa, pa kupwa kwa banwe kwisamba. Endelela kulombola’mba umutele mutyima na kumutumina kashinda katwala ku vese wa mu Bible nansha ku kishinte kya pa jw.org
Tompa kulonga namino: Shi muntu wakwipangula’mba, ‘Le yenga obe wapityile namani?,’ mulombole kintu kampanda kyowefundile ku kupwila nansha mwingilo oingilanga wa kufundija bantu Bible.
8. Bisakibwa bya Penu
(Min. 5)
9. Kifundwa kya Bible kya Kipwilo
(Min. 30) bt shap. 6 mus. 1-8 ne ntwelelo ya kipindi 2
