Le usakanga mulunda nobe ekale na ngikadila’ka? Padi usakanga ekale na lulamato, kanye, ne buntu. Yehova udi na ino ngikadila yonso’i. (Div 34:6; Bil 14:17) Shi umulombe ukevwana milombelo yobe. Ukakukwasha ponso posakilwa bukwashi. (Ñi 18:19, 35) Ukulekelanga bilubo byobe. (1Yo 1:9) Bine Yehova i mulunda muyampe!

Le i muswelo’ka obwanya kwikala mulunda na Yehova? Wifunde myanda yandi na kutanga Bible. Mulombole mowiivwanina. (Ñi 62:8; 142:2) Lombola’mba usenswe bintu bimwene Yehova na mvubu, kimfwa wandi Mwana, Bulopwe bwandi, ne milao yandi ya kumeso. Sapwila bantu bakwabo yandi myanda. (Kup 32:3) Shi upwane bininge na Yehova, nabya ukekala mulunda nobe nyeke ne nyeke.​—Ñi 73:25, 26, 28.

TALAI VIDEO BANKASAMPE​—“TOMPAI MUMONE AMBA YEHOVA I MUYAMPE,” KUPWA LONDOLOLAI BINO BIPANGUJO:

• Le i muswelo’ka obwanya kwiteakanya mwanda wa kwipāna ne kubatyijibwa?

• Le bantu bakwabo mu kipwilo babwanya namani kukukwasha wingidile Yehova?

• Le busapudi bukaningija namani kipwano kyobe na Yehova?

• Le i mingilo’ka mikwabo yobwanya kwingila mu mwingilo wa Yehova?

• Le i ngikadila’ka ya Yehova ikusangajanga?