Yehova ye ulengejanga nkunwa ya bubine itame ne kwala miji mu mutyima wa muntu. (1Ko 3:6-9) O mwanda pa kusaka’mba busapudi bwetu bupe bipa, bitulomba ku kulupila mudi Yehova amba etukwashe ne kukwasha botwifunda nabo Bible.

Lomba Yehova akwashe bowifundanga nabo Bible bōminine matompo ne kunekenya bijika. (Fid 1:9, 10) Lomba mu muswelo mupotoloke. Lomba mushipiditu ujila uludike milangwe ne bilongwa byobe. (Luk 11:13) Fundija bowifunda nabo Bible muswelo wa kulombela, ne kwibakankamika balonge namino. Lombela nabo pamo na kutela majina abo.

TALAI VIDEO IKALA NA NSANGAJI MU KULONGA BANA BA BWANGA​—ITABIJA BUKWASHI BWA YEHOVA​—MILOMBELO, KUPWA LONDOLOLAI BINO BIPANGUJO:

• Le Meta watenwe na bikoleja’ka paadi wifunda na Jolie?

• Le kisonekwa kya 1 Bene Kodinda 3:6 kyakweshe Meta namani?

• Le i muswelo’ka wa anekenye kino kikoleja?