Milombelo mitabijibwe idi pamo bwa luvumba luyampe lwa ensense yādi isōkwa kitatyi ne kitatyi kumeso a Yehova ku tempelo. (Ñi 141:2) Powisamba na Tata wetu wa mūlu wa buswe kadi udi na mutyima wa kumufwija’ko, mulombole myanda yodi nayo ne yoabila, kadi mulombe akuludike. Kulonga namino kulombola’mba umwene na mvubu kipwano kyopwene nandi. Na bubine, Yehova umonanga na mvubu milombelo mīpi iloñwanga ku kupwila, kadi ino milombelo ibadilwanga mu kipindi kya butōtyi bwetu. Inoko, Yehova usangelanga potumulombola bidi ku mutyima mu milombelo ya pa kasuku nansha mu kitatyi kityetye’tu!​—Nki 15:8.

TALAI VIDEO, NE MWIPĀNE MU MILOMBELO, KUPWA LONDOLOLAI BINO BIPANGUJO:

• Le i mingilo’ka imoimo yasangedile Tutu Johnson?

• Le milombelo yakweshe namani Tutu Johnson akulupile mudi Yehova?

• Le i ñeni’ka yowefunda ku kimfwa kya Tutu Johnson?