KYOKWIKADILE NA MVUBU: Bashingwe māni ne mikōko mikwabo betanga bantu ba miswelo yonso bayate “mema a būmi ku bitupu.” (Kus 22:17) Ano mema a kyelekejo afunkila pa mpangiko yonso itūdile’ko Yehova mwanda wa kukūla bantu ba kikōkeji ku bubi ne ku lufu. Pa kukwasha bantu badi na bibidiji palapala ne nkulupilo ya bipwilo, tufwaninwe kwibasapwila “myanda miyampe ya nyeke” mu muswelo oitenga muntu ne muntu.​—Kus 14:6.

MWA KULONGELA:

• Tonga mwanda ne kisonekwa kikatenga mityima ya bantu ba mu obe mwaba. Ukokeja kutonga musapwilo wa kulondela’po nansha mwanda kampanda okodi mwingidije biyampe. Le i myanda’ka ne i bisonekwa’ka bisangelanga bantu? Le kudi mapya a panopano esambila’po bantu bininge? Le i mwanda’ka usangajanga bana-balume, ne i wepi usangajanga bana-bakaji?

• Posapula imuna bantu mobeimwinanga ne kulonda bibidiji biyampe biloñanga bantu mu kyenu kibundi.​—2Ko 6:3, 4

• Yuka mwa kwingidijija mabuku ne mavideo a mu byetu Bingidilwa bya Kufundija Nabyo mwa kusapwila muntu usangela musapu

• Tentula myanda mu ndimi isamba bantu bobwanya kutana mu obe mwaba

• Kwatañanya myanda yosapula na bisakibwa bya mwinē njibo. (1Ko 9:19-23) Kimfwa, Le ukanena bika shi ubayuka’mba mwinē njibo i mufwilwe muntu kampanda panopano?

TALAI VIDEO, KUPWA LONDOLOLAI BINO BIPANGUJO:

• Le musapudi washilulanga kwisambila na mwinē njibo pa mwanda’ka?

• Le mwinē njibo wadi mutanwe na mwanda’ka?

• Le i bisonekwa’ka byadi biyampe kwingidija mu uno mwanda, ne mwanda waka?

• Le ujadikanga namani musapwilo obe pa kusaka’mba bantu ba mu obe mwaba beusangele?