Tamba mu 2018, dipepala ne dipepala ke dilupulwanga na mutwe wadyo wa mwanda umo. Kadi ano mapepala abadilwa mu Bingidilwa Byetu bya Kufundija Nabyo. Nanshi tupanei’o mu busapudi. Kadi i biyampe kwilamija’ko mapepala kitatyi kyotudi mu lwendo nansha kitatyi kyotukapota bintu. Mapepala keakufundijapo nao bantu Bible, inoko abwanya kulengeja muntu asangele kwifunda myanda ya Leza.

Shilula mwisambo na muntu, kupwa mutangile kisonekwa ne kwisambila nandi pa mwanda kampanda umusangaja udi mu dipepala. Kimfwa shi ubatana muntu udi na kisaka nansha mufwilwe nansha padi i muvudilwe milangwe ubwanya kunena’mba: “Natangile panopano kishinte kimo kiyampe bininge. Le kulombole’kyo?” Shi wasangela ubwanya kumupa dipepala ditampwe nansha kumutumina’dyo mu bingidilwa bya busendwe nansha shi i kwitana kubajinji. Shako kupāna mapepala ke kitungo’po kinekine, ino mapepala abwanya kwitukwasha tusokole boba badi na mutyima wa kwingidija byobya byobefunda.​—Bil 13:48.