Le udi na myaka 23 kutula ku 65, ne udi mu mwingilo wa kitatyi kyonso? Le udi na bukomo bwa ngitu buyampe ne kadi ubwanya ku kengila kokwa kusakilwa bukwashi? Shi ubalondolola amba, en-en ku bino bipangujo byonso, le ubulwe’po kudinga fomu wa Basaka Kukafunda Masomo A Basapudi ba bulopwe? Tamba’tu kalasa kabajinji kashilulwa kudi banabetu tutwa na tutwa besonge, batutu ne bakaka bankunga ke badinge uno fomu. Ino nakampata kusakilwa batutu bankungulume ba kudinga uno fomu. Lomba Yehova akupe mutyima wa kumusangaja na kwiula wandi mwana. (Ñi 40:8; Mat 20:28; Bah 10:7) Kupwa langulukila pa bintu byobwanya kushinta mu būmi bobe mwanda wa ubwanye bisakibwa pa kukafunda ano masomo.

Le i mingilo’ka ingilanga boba bafundile ano masomo? Bamo batumwanga mu mwaba mwisambwanga madimi makwabo nansha ku kwatakanya mpangiko ya pa bula ya kusapula mu bibundi bikatampe. Bakwabo nabo mwenda mafuku bekalanga ke batadi ba bipindi bampingakani, batadi ba bipindi ne bamishonele badi mu mwaba. Bine polangulukila pa madyese adi mu mwingilo wa Yehova ukanena na mwānenene mupolofeto Isaya amba: “Ami uno! Ntume!”​—Isa 6:8.

TALAI VIDEO BAMISHONELE​—I BENGIDI BENGILA MU MWINGILO WA MWANGULO, KUPWA LONDOLOLAI BINO BIPANGUJO:

• Le ba mishonele badi mu mwaba batoñwanga namani?

• Le i mwingilo’ka wa mvubu wingilanga ba mishonele badi mu mwaba?

• Le i madyese’ka amoamo adi mu mwingilo wa bumishonele?