Kumeso’tu kwa Pashika ya mu mwaka wa 32 Y.M., Yesu wālongele kingelengele, kyo akyo kimo kete kyāsonekelwe na balembi bonso baná ba Maevanjile.

Na kino kingelengele, Yesu wāletele kimfwa kya bintu byaendelela kulonga mu ano etu mafuku.

14:16-21

• Yesu wāsoñenye bandi bana ba bwanga badishe bibumbo, nansha byobādi enka na mikate itano ne twita twa lui tubidi kete

• Yesu wātekwine mikate ne twita twa lui, pa kupwa kulombela wāabanya’byo ku bana ba bwanga, nabo bāabanya’byo ku bibumbo

• Mu kingelengele, bonso bādishibwa kwashala ne bikwabo. Yesu wādishishe tununu ne tununu twa bantu kupityila’tu ku makasa a bantu batyetye​—ke bandi bana bwanga kadi

• Yesu wālaile amba mu mafuku a mfulo, ukatūla’ko mukola wa kuleta ‘byakudya bya ku mushipiditu pa kitatyi kifwaninwe.’​—Mat 24:45

• Mu 1919, Yesu watongele “umpika mukōkele ne mudyumuke,” kabumbo katyetye ka batutu bashingwe māni kalama “bengidi bandi ba mu njibo,” boba badishibwa

• Kupityila ku kano kabumbo katyetye ka batutu bashingwe māni, Yesu wendelelanga kulonga byobya byaālongele mu myaka katwa kabajinji

Le mbwanya kulombola namani amba ngitabije ne kulēmeka mukola wingidija Yesu mwanda wa kudisha bantu ku mushipiditu?