BYABULĒME BYA MU KINENWA KYA LEZA | MATEO 18-19
Tá Mutyima Kutyina Wakekukaja ne Kukukaja Bakwenu
Yesu wāingidije byelekejo mwanda wa kufundija amba kukukajibwa nansha kukukaja bakwabo i mwanda musumininwe.
-
“Kikukaja” kifunkila pa kilongwa nansha ngikadila ilengeja muntu ekale na mwiendelejo wampikwa kwendela’mo, mwikadila wampikwa bumvu nansha kulonga bubi
-
Kyadi kipite buya muntu akutwe dibwe dya mpelo dijokoloke mu nshingo ne kushika nadyo pa dijiba, kupita’ko kukukaja muntu mukwabo
Mabwe a mpelo
-
Yesu wādingile balondi bandi bafundule enka ne kintu kya bulēme, kimfwa kuboko nansha diso shi bibakukaja
-
Kyadi kipite buya kutwela mu Bulopwe bwa Leza pampikwa kino kintu kilumbuluke kupita’ko kwikala nakyo ne kwenda nakyo mu Ngehena, kyelekejo kya bonakani bwa lonso
Le i bika bikokeja kwikala bu kikukaja mu bwami būmi, ne mbwanya namani kuleka kwikukaja nansha kukukaja bakwetu?
