Boloshile Teja Leza i mulupulwe mwanda wa kufundija bubine bwa kyalwilo bwa mu Bible na bifwatulo ku boba bakolelwa kufunda kupityila ku bilembwa. Mapaje onso abidi a kifundwa ne kifundwa i mateakanibwe senene na bifwatulo bidi na tumiketo tutwala ku kifwatulo kilonda’ko.

Boloshile Teja Leza Amba Wikale Mūmi Nyeke udi na bifwatulo bimo byonka na bidi mu boloshile Teja Leza, inoko mu uno boloshile mudi bilembwa bivule bikwasha befundi bayukile kutanga’ko bityetye. Divule basapudi basangelanga kwingidija’ye pobafundija koku mwifundi ulondela mu boloshile Teja Leza. Mapaje mavule adi na kapango ka myanda ya ntentekelo ibwanya kwisambilwa’po mungya ñeni ya mwifundi.

Ubwanya kupāna’ye mu kitatyi kyo-kyonso nansha shi katongelwepo kupānwa mu mwine kweji’wa. Poendeja kifundwa kya Bible, ingidija bifwatulo pa kushintulula nsekununi ya mu Bible. Ipangula bipangujo bilengeja mwifundi anene’po mwa kujingulwila shi webivwana. Tanga ne kwisambila pa bisonekwa bidi kunshi kwa paje ne paje. Shi mubapu kwifunda uno boloshile, mukefunda dibuku Lelo I Bika Bine Bifundija Bible? Nansha dibuku Lelo I Bika Bitufundija Bible? Mwa kukwashisha mwifundi afikile pa kubatyijibwa.