Yelemia wāpelwe kiselwa kya kudyumuna Bayuda ku bonakani bwādi bwibatengele mwanda bāidilwe Yehova Leza wabo. (Yel 13:25) Le uno muzo wāponene mu ino ngikadilo ya bulanda ya ku mushipiditu namani? Bisaka bya bene Isalela byāfwile ku mushipiditu. Na bubine mitwe ya bisaka keyākidipo ilonda bulombodi bwa Yehova busonekelwe mu Kupituluka 6:5-7.

Bisaka bikomo ku mushipiditu bituntwilanga ku kushimatyija bipwilo byetu dyalelo. Mitwe ya bisaka ibwanya kukwasha bisaka byabo bivuluke Yehova na kulonga Butōtyi bwa Kisaka busangaja kadi bwa yenga ne yenga. (Ñi 22:27) Pa kupwa kutala video “Bino Binenwa . . . Bikekala pa Mutyima Obe”—Bwipangudi bwa Bisaka, londolola ku bino bipangujo:

• Le bisaka bimo byanekenye namani bikoleja bivudile kwikala’ko pa kulonga butōtyi bwa kisaka?

• Le i byabuyabuya’ka bimo bilupukanga ku kulonga Butōtyi bwa Kisaka busangaja kadi bwa yenga ne yenga?

• Le i bikoleja’ka byo ngikalanga nabyo shi ketulonga butōtyi bwa kisaka ne nkalonga namani pa kwibinekenya?