“Keshai’nka Kukesha”
Nansha lukindi lwa Yesu lwa bajike dikumi byolwādi lwisambila pa balondi bandi bashingwe māni, inoko musapu walo utalanga bene Kidishitu bonso. (w15 1/3 p. 13-17) “Keshai’nka kukesha mwanda kemuyukilepo difuku nansha nsá mine.” (Mat 25:13) Le ukokeja kushintulula lukindi lwa Yesu?
-
Musoñañani (vese 1)—Yesu
-
Bajike badyumuke bēteakenye (vese 2)—Bene Kidishitu bashingwe māni beteakanye kuvuija mwingilo wabo na kikōkeji kadi bamunika bwa bimuni kufika ne ku mfulo (Fid 2:15)
-
Lubila: “Au keye musoñañani!” (vese 6)—Kiyukeno kya kwikala’po kwa Yesu
-
Bajike bendalale (vese 8)—Bene Kidishitu bashingwe māni bendele kukatundaila musoñañani, ino abatunya kukesha ne kulama bululame bwabo
-
Bajike badyumuke abapele kwaba māni (vese 9)—Pa kupwa kutūlwa’bo kiyukeno kya mfulo, bashingwe māni ba kikōkeji kebakabwanyapo monka kukwasha yense wabudilwe kikōkeji
-
“Musoñañani wafika” (vese 10)—Yesu wiyanga kuleta butyibi dya ku mfulo kwa kyamalwa kikatampe
-
Bajike badyumuke abatwela mu masobo a butundaile, kupwa kibelo kibashitwe (vese 10)—Yesu wabungakanya bashingwe māni bandi ba kikōkeji mūlu, ino boba bakubulwa kikōkeji abajimija mpalo yabo ya mūlu