Mwaka ne mwaka tuloñanga bukomo bukatampe bwa kwita bantu bāye tulonge nabo Kivulukilo. Bavule mobadi ketwiyukilepo nabo. Ino tufwaninwe ne kwita bantu botuyukile. Bantu batambulanga lwito lwibapele muntu obayukile, divule bayanga kutanwa’ko. (yb08-F p. 11 mus. 3; p. 14 mus. 1) Le i bantu’ka bamobamo bobwanya kwita?

• Babutule

• Bakwenu ba ku kaji nansha ba ku masomo

• Balondakani

• Bantu bojokelanga, bantu bowadi wifunda nabo Bible pa kala, ne bowifunda nabo pano

Ne kadi, bakulumpe baketa boba kebakingilangapo. Le ukalonga namani shi muntu omwiyukile nandi kashikatangapo mu wenu mwaba? Abe ubwanya kuyuka nsá ne kifuko kikalongelwa’po Kivulukilo kokwa kwashikete na kutwela pa jw.org, toneka pa MYANDA ITUTALA kūlu kwa paje mubajinji, kupwa toneka pa “Kivulukilo.” Powiteakanya ku Kivulukilo kya uno mwaka, langulukila pa bantu bobwanya kwita, kupwa wibete.