1-7 Kweji 4
ÑIMBO YA MITŌTO 23-25
Lwimbo 4 ne Milombelo | Binenwa bya Ñanjilo (Mun. 1)
1. “Yehova I Mukumbi Wami”
(Min. 10)
Yehova witukunkujanga (Ñi 23:1-3; w11 1/6 p. 11 mus. 3)
Yehova witukiñanga (Ñi 23:4; w11 1/6 p. 11 mus. 4)
Yehova witudishanga (Ñi 23:5; w11 1/6 p. 11 mus. 5)
Yehova utanga mutyima bengidi bandi monka mutelanga’o mukumbi wa buswe mikōko yandi.
WIIPANGULE AMBA, ‘Le i muswelo’ka wankwatakenye Yehova?’
2. Byabupeta bya ku Mushipiditu
(Min. 10)
Ñi 23:3—Le “tushinda twa boloke” i bika, ne i bika biketukwasha tuleke kusāsuka’mo? (w11 1/2 p. 24 mus. 1-3)
Le i byabupeta’ka bya ku mushipiditu byowasokwele mu butangi bwa Bible bwa uno yenga?
3. Butangi bwa Bible
(Min. 4) Ñi 23:1–24:10. (th kifundwa 5)
4. Mwa Kushilwila Mīsambo
(Min. 3) BUSAPUDI BWA KIPONKA NA PONKA. Tangai na muntu wakulombola’mba utele mutyima bintu bitujokolokele vese ukankamika wa mu Bible. (lmd kifundwa 2 kakipindi 5)
5. Muswelo wa Kulondelela Kusangela
(Min. 4) KU NJIBO NE NJIBO. Lombola muntu waitabija boloshile Ikala Mūmi Nyeke! mupityilanga kifundwa kya Bible. (lmd kifundwa 9 kakipindi 3)
6. Mwa Kulongela Bana ba Bwanga
Lwimbo 54
7. Tupelanga Diwi dya Beni
(Min. 15) Kwisamba na Bevwaniki.
Mikōko ikalanga miyuke diwi dya mukumbi wayo kadi imulondanga. Ku mutamba mukwabo, inyemanga mweni okeiyukilepo diwi dyandi. (Yoa 10:5) Mo monka ne batwe netu, twivwananga diwi dya ba Yehova ne Yesu, Bakumbi betu ba ku mushipiditu bakulupilwa kadi ba buswe. (Ñi 23:1; Yoa 10:11) Ino tupelanga diwi dya beni bakimba kuzōzeja lwitabijo lwetu na “binenwa bya bongojani.”—2Pe 2:1, 3.
Ngalwilo shapita wa busatu witulombola mwāivwaninwe musunsa umbajinji diwi dya mweni pano pa ntanda. Satana wāfwenene Eva mu muswelo wa kyongo na kwifya mwine mwaikadile. Wēlombola kwadi bu mulunda nandi na kunyengakanya binenwa bya Yehova ne kukanina kwandi kwa mutyima. Ino yō, na kya bulanda Eva wāmwivwana, kino kyamuletela aye ne kyandi kisaka masusu.
Dyalelo Satana utompanga kwitulengeja tutatane Yehova ne bulongolodi bwandi, na kuzambalaja myanda ya bubela, bubine bwa kipindi ne myanda ya amba-amba. Ponso potwivwana diwi dya mweni, tufwaninwe kunyema! Kwibevwana nansha’tu bityetye mwanda wa kusaka kuyukila’ko bivule, i kyaka. Le Satana wāsakilwe bishima binga pa kongola Eva mu mīsambo yabo mīpi? (Ngo 3:1, 4, 5) Ino le, bikekala namani shi muntu otuyukile—muntu witusenswe kadi udi na kukanina kuyampe kwa mutyima—kakimbe kunenena bibi bulongolodi bwa Yehova?
Talai VIDEO Pela “Diwi dya Beni.” Kupwa ipangula bevwaniki amba:
Le i ñeni’ka yowaboila ku byaloñanga Jolie padi kepasake inandi kunenena bibi bulongolodi bwa Yehova?
8. Kifundwa kya Bible kya Kipwilo
(Min. 30) bt shap. 8 mus. 1-4, tupango pa p. 61-62
