Yakoba wādi uyukile amba Yehova ufwaninwe kulamatwa bunka bwandi, nansha Yehova byaādi kaletele kijila kipeleja kutōta bilezaleza. (Div 20:3-5) Yehova pa kumunena ajokele ku Betele, Yakoba wālombwele bantu bonso baādi nabo batalule bilezaleza byabo. Yakoba wātalwile bilezaleza, kubadila’mo ne byuma bya ku matwi, ne tukūya. (Ngo 35:1-4) Na bubine Yehova wāsangedile bilongwa bya Yakoba.

Mu ano etu mafuku nao, le i muswelo’ka otubwanya kulamata Yehova bunka bwandi? Dibajinji i kwepuka kintu kyo-kyonso kikwatañene na butōtyi bwa bilezaleza nansha na majende. Muno mubadilwa kufundula kintu kyo-kyonso kikwatañene na majende ne kubandaula senene kwipwija mukose kwetu. Kimfwa wiipangule amba: ‘Le nepwijanga mukose na mabuku nansha na mavideo mudi bintu pamo bwa kwingidila bibanda nansha bimonwa? Le bintu byonepwija nabyo mukose bilombolanga’mba maleñanya, kwela nsanzo, nansha mafingo i makayo’tu bitupu? Tufwaninwe kusumbwila kulampe kintu kyo-kyonso kishikilwe Yehova.​—Ñi 97:10.

TALAI VIDEO “LWAI NA DYABOLA,” KUPWA LONDOLOLAI BINO BIPANGUJO:

• Le mwifundi umo wa Bible witwa bu Palesa, watenwe na makambakano’ka?

• Mwanda waka i biyampe kukimba bukwashi bwa bakulumpe mu mwanda utala majende?

• Boba bonso basaka kukingwa na Yehova, le i bika byobafwaninwe kufundula?

• Le i butyibi’ka busumininwe bwakete Palesa?

• Kukwatañana na koshikete, le i bintu’ka biloñanga bantu mwanda wa kwikinga ku lupusa lwa bandemona?