Pano potukyuminina mafuku a mfulo a mu “mafuku a mfulo,” tuyukile amba bintu bisa kubipila’ko bininge. (2Tm 3:1; nwtsty-E bilembwa bya kwifunda bya Mat 24:8) Shi kimpengele kibapone, bantu ba Yehova bapebwanga bukidibukidi bulombodi bwa mwa kupandila kadi pa kitatyi kifwaninwe. Pa kusaka’mba tupande bitulomba kwiteakanya tamba’n ka pano ku ngitu ne ku mushipiditu.​—Luk 16:10.

• Mwa kwiteakenya ku mushipiditu: Ikala na bibidiji biyampe. Wiibidije kala misapwilo mishileshile. Kokituyuka bipitepite shi mu banyemena mu bifuko bishile na ba mu kyenu kipwilo. (Isa 30:15) Ba Yehova ne Yesu badi nobe.​—od p. 176 mus. 15-17

• Mwa kwiteakenya ku ngitu: Muntu ne muntu mu kisaka ufwaninwe kwikala na sakoshi wa pa nyuma mwa kunyemena nandi, momeke byakudya, mema a kutoma, binini, ne bintu bikwabo bya mvubu bya kwikwasha nabyo mu kakitatyi kampanda kebibwanyapo koneka bukidi.​—Nki 22:3; g17-F 5 p. 4, 6

TALAI VIDEO LE WI MWITEAKANYE KU BIMPENGELE BYA KIPANGILA? KUPWA LONDOLOLAI BINO BIPANGUJO:

• Le i muswelo’ka otubwanya kwiteakanya ku mushipiditu ku bimpengele?

• Mwanda waka tufwaninwe . . .

  • kwiita kitatyi ne kitatyi na bakulumpe?

  • Kuteakanya kakivwe ka kunyema nako nansha sakoshi?

  • Kubandaula bimpengele bibwanya kulongeka ne bya kulonga’po?

• Le i bintu’ka bisatu byotubwanya kulonga pa kukwasha bakwetu baponenwe na bimpengele?

WIIPANGULE AMBA, ‘Le kipupo kya misongo ya COVID-19 i kimfundije bika mu mwanda utala kwiteakanya?’