Buzanzamuke busambukilañananga. Bubwanya kulengeja boba betuteja balonde na katentekeji byotunena. Kadi bulombolanga’mba tumwene na mvubu musapu wetu. Nansha shi tudi na bibidiji bya muswelo’ka, bitamina kadi nansha shi twi batamijibwe muswelo’ka, batwe bonso tubwanya kwikala na buzanzamuke. (Lo 12:11) Le i bika biketukwasha twikale na ino ngikadila?

Dibajinji, langulukila pa musapu odi nao. Udi na dyese dya kusapula “myanda miyampe ya bintu biyampe!” (Lo 10:15) Dya bubidi, langulukila pa myanda miyampe moibwanya kukwashisha bantu bakwivwana bashinte būmi bwabo. Na bubine basakilwa kwivwana myanda miyampe yodi nayo. (Lo 10:13, 14) Ne kya mfulo, wisambe na bukankamane, jinya ngitu mu muswelo mufwaninwe kadi mpala yobe ilombole mwine mowiivwanina.

TALAI VIDEO IKALA NA NSANGAJI MU KULONGA BANA BA BWANGA​—LUMBULULA BWINO BOBE​—FUNDIJA NA BUZANZAMUKE, KUPWA LONDOLOLAI BINO BIPANGUJO:

• Le i bika byatyepeje buzanzamuke bwa Meta mu kifundwa kyabo na Jolie?

• Le i bika byakweshe Meta aluje buzanzamuke?

• Mwanda waka tufwaninwe kuta mutyima ku ngikadila miyampe idi na botwifunda nabo?

• Le buzanzamuke bwetu bubwanya kukwasha namani boba botwifundanga nabo Bible ne bantu bakwabo?