Kitatyi kyotujokela bantu nansha kyotwendeja bifundwa bya Bible, tufwaninwe kwibakwasha bevwanije myanda mikatampe. Kuleta byelekejo bitōkeja myanda yotwibafundija kubwanya kwitukwasha tutenge mityima yabo nansha kwibakwasha bashale bavuluka bufundiji’bwa.

Kitatyi kyowiteakanya kujokela muntu nansha kukendeja kifundwa kya Bible, tá mutyima ku myanda mikatampe yosa kuleta’po kyelekejo, kokatá’o ku tumyanda tutyetutye. Tonga kyelekejo kipēla kwivwanwa kadi kiyukene biyampe. (Mat 5:14-16; Mak 2:21; Luk 14:7-11) Tá mutyima ku bintu bijokolokele yewa muntu ne ku mingilo yandi. (Luk 5:2-11; Yoa 4:7-15) Shi ubamone’mba muntu’wa waivwanija myanda yomufundija, ukevwana nsangaji.

TADIJA VIDEO IKALA NA NSANGAJI MU KULONGA BANA BA BWANGA​—LUMBULULA BWINO BOBE—​NGIDIJA BYELEKEJO PA KUFUNDIJA MYANDA MIKATAMPE, KUPWA LONDOLOLAI BINO BIPANGUJO:

• Mwanda waka bitulomba kukwasha botwifundanga nabo Bible pa kusaka’mba bevwanije mavese a mu Bible?

• Le i kyelekejo’ka kyaletanga Meta pa kushintulula bubine budi mu Bene Loma 5:12?

• Le kyelekejo kiyampe kibwanya kukwasha namani muntu otwifunda nandi?

• Mwanda waka kitatyi kyotudi mu busapudi tufwaninwe kutadija bantu mavideo ne kwingidija bingidilwa bya kufundija nabyo bilupwile bulongolodi bwa Yehova?