Byotudi bantu bampikwa kubwaninina, twikalanga na bilokoloko kyaba kyonso, ino ketufwaninwepo kwibileka bituludike. Shi twibileke bituludike nankyo tukajimija kipwano kyetu na Yehova. Kimfwa bamo beelelanga mu kukimba byakudya, bivwalwa ne kōbaka mobo bine bilengejanga buswe bobasenswe Leza butyepe. Bakwabo beelelanga mu bilokoloko bya busekese kwampikwa kubanga misoñanya ya Leza. (Lo 1:26, 27) Bakwabo nabo betabijanga kulonga bintu bibi mwanda’tu wa kusanshibwa ne kwitabijibwa na bantu.​—Div 23:2.

Le i muswelo’ka otubwanya kubandaula bilokoloko byetu? Tufwaninwe kuta mutyima bininge ku bintu bya ku mushipiditu. (Mat 4:4) Kadi tufwaninwe kulomba Yehova etukwashe tukomene bilokoloko byetu. Mwanda waka? I mwanda Yehova uyukile biyampe byotusakilwa ne muswelo muyampe wa kusangaja bilokoloko byetu.​—Ñi 145:16.

TALAI VIDEO KOKALEKA BŪMI BOBE BULUDIKWE NA MFWANKA, KUPWA LONDOLOLAI BINO BIPANGUJO:

• Mwanda waka bantu bamo batomanga mfwanka?

• Le kutoma mfwanka kubwanya kukuletela makambakano’ka?

• Mwanda waka kutoma mfwanka nansha kwiitomena mu bintu i kubi?​—2Ko 7:1

• Le i muswelo’ka obwanya kuleka kutoma mfwanka ne bibidiji bikulengeja wiitome?