Byafwena mfulo ya ino ngikadilo ya bintu, tuyukile amba tuvutakanya twa basivile, butumbula, ne mavita bikavudila’ko. (Kus 6:4) Le i muswelo’ka otubwanya kwiteakanya ku makambakano etutengele kumeso?

• Witeakanye ku mushipiditu: Kimba misoñanya ne nsekununi ya mu Bible ikomeja kikulupiji kyobe mudi Yehova ne mu bulongolodi bwandi, mine ikakukwasha ushale nyeke mwisansanye na ntanda. (Nki 12:5; jr shap. 10 p. 125-126 mus. 23-24) Kino kyo kitatyi kya kukomeja kipwano kyotupwene na banabetu mu lwitabijo.​—1Pe 4:7, 8

• Witeakanye ku ngitu: Witeakanye mwa kushadila kwinjibo shi kusapo kutamba ne kuteakanya’ko tubintu twa kukukwasha. Ino shi bikulomba’nka kutamba teakanya muswelo muyampe wa mwa kutambila. Bandaula bintu bidi mu kakivwe ka kutamba nako kwampikwa kwilwa magan, maske ne lupeto. Ikala na manimelo a bakulumpe kadi jingulula shi nabo badi na obe.​—Isa 32:2; g17.5-F p. 3-7

Mu kitatyi kya tuvutakanya Lama bibidiji byobe bya ku mushipiditu. (Fid 1:10) Epuka kujokelajokela ku kifuko kyowatambile’ko. (Mat 10:16) Wiabile na bakwenu byakudya byodi nabyo ne bintu bikwabo.​—Lo 12:13.

TALAI VIDEO LE WIMWITEAKANYE KU BIMPENGELE BYA KIPANGILA? KUPWA LONDOLOLAI BINO BIPANGUJO:

• Le Yehova ubwanya kwitukwasha namani mu bitatyi bya bimpengele?

• Le i bintu’ka byotubwanya kulonga pa kwiteakanya?

• Le i muswelo’ka otubwanya kukwasha boba baponenwe na bimpengele?