Yesu paādi usapula wādi wisambila pa myanda ilongekele panopano. (Luk 13:1-5) Nobe posapula ubwanya kwingidija myanda ilongekele panopano pa kulangula kusangela kwa bantu bosapwila musapu wa Bulopwe. Ubwanya kwisambila pa kukoma kwa būmi, bimpengele bya kipangila, tuvutakanya twa basivile, bitomibwa bikolwañana nansha pa myanda mikwabo, kupwa ipangula kipangujo kiloba tudi mukanwa. Ubwanya kwipangula muntu amba: “Le molangila kukekala mfulo ya bintu pamo bwa . . . ?” nansha amba “Le molangila kudi muntu ubwanya kupwija bintu pamo bwa . . . ?” Kupwa mutangile vese wa mu Bible ulondolola ku kino kipangujo. Shi muntu walombola kusangela nabya mutadije video nansha kumupa kingidilwa kya mu Bingidilwa bya Kufundija Nabyo. Potulonga bukomo bwa kutenga mityima ya bantu ba mu wetu mwaba, twikalanga bu bantu ‘balonga bintu byonso pa mwanda wa myanda miyampe.’​—1Ko 9:22, 23.

Le i myanda’ka ilangula kusangela yomona bu yendeka mu wenu mwaba?