KYOKWIKADILE NA MVUBU: Enka na bingidilwa bikwabo, marezo a mīsambo pa Entelenete abwanya kwikala mayampe nansha matyani. Bene Kidishitu bamo bapelanga kwingidija marezo a mīsambo pa Entelenete. Bakwabo nabo bengidijanga’o mwanda wa kwisamba na ba mu kisaka kyabo ne na balunda nabo. Inoko, Dyabola witusakilanga twingidije ano marezo pampikwa tunangu, bine bibwanya kwitupwija bulēme ne kona būmi bwetu bwa ku mushipiditu. Pamo bwa Yesu, netu tubwanya kwingidija misoñanya ya mu Kinenwa kya Leza pa kujingulula byaka ne kwibyepuka.​—Luk 4:4, 8, 12.

BYAKA BYA KWEPUKA:

• Kwingidija bipitepite marezo a mīsambo pa Entelenete. Kupityija mansá mavule mu kwingidija marezo a mīsambo pa Entelenete kubwanya kwitudīla kitatyi kya kulonga bintu bya ku mushipiditu

  Misoñanya ya mu Bible: Ef 5:15, 16; Fid 1:10

• Kutala bintu byakubulwa kwendela’mo. Kutala bifwatulo bilangula masenda kubwanya kulengeja muntu amunwe na porno nansha na busekese. Kutanga bintu bya batupondo nansha bintu bitūla bantu pa Entelenete kubwanya kona lwitabijo lwa muntu

  Misoñanya ya mu Bible: Mat 5:28; Fid 4:8

• Kutūla mafoto nansha bilembwa bibi. Bidi mutyima bu ndimbañani, muntu ubwanya kumunwa na kutūla mafoto nansha bilembwa bya kubulwa kwendela’mo pa marezo a mīsambo pa Entelenete. Inoko, kulonga namino kubwanya kupwija muntu bulēme nansha kumulengeja akukale ku mushipiditu

  Misoñanya ya mu Bible: Lo 14:13; Ef 4:29

TALAI VIDEO DYUMUKA POINGIDIJA MAREZO A MĪSAMBO PA ENTELENETE, KUPWA BANDAULAI MWA KWEPUKILA INO MYANDA: