Kumeso kwa kukwata butyibi bukatampe nansha butyetye, i biyampe twiipangule amba, ‘Le Yehova ulanga’po namani?’ Nansha byoketubwanyapo kuyuka bintu byonso bilanga Yehova, ino i mwitusokwele’ko bimobimo mu Kinenwa kyandi pa kwituteakanya ku “mwingilo onso muyampe.” (2Tm 3:16, 17; Lo 11:33, 34) Yesu wājingulwile patōka kiswa-mutyima kya Yehova, wekitūla pa kifuko kibajinji mu būmi bwandi. (Yoa 4:34) Pamo bwa Yesu, netu tubwanya kulonga bukomo bwa kukwata butyibi busangaja Yehova.​—Yoa 8:28, 29; Ef 5:15-17.

TALAI VIDEO JINGULULAI NYEKE KISWA-MUTYIMA KYA YEHOVA (LEV 19:18), KUPWA LONDOLOLAI KU BINO BIPANGUJO:

• Mwanda waka tufwaninwe kwingidija misoñanya ya mu Bible mu būmi bwetu?

• Le i misoñanya’ka ya mu Bible ibwanya kwitukwasha potutonga minjiki?

• Le i misoñanya’ka ya mu Bible ibwanya kwitukwasha mu muvwadilo ne mwidyangwilo wetu?

• Le i mu myanda’ka mikwabo ya mu būmi motufwaninwe kwingidija misoñanya ya mu Bible?

• I muswelo’ka otukokeja kulumbulula bukomo bwetu bwa kujingulula kiswa-mutyima kya Yehova?