Mu bipwilo byetu mudi banabetu ke bengidile Yehova mu myaka mivule. Tubwanya kwibeula pa muswelo obakulupile mudi Yehova. Tubwanya kwibepangula mānga itala bulongolodi bwa Yehova, makambakano ebatene, ne muswelo webakweshe Yehova bōminine’o. Ne kadi tubwanya kwibeta mu Butōtyi bwa Kisaka ne kwibepangula myanda yobemwenine.

A bene Kidishitu banunu, sapwilai bankasampe myanda itala lwitabijo lwenu. Ba Yakoba ne Yosefa bāsapwidile lutundu lwabo myanda yobēmwenine. (Ngo 48:21, 22; 50:24, 25) Mwenda mafuku Yehova wāpēle mitwe ya bisaka kiselwa kya kufundija babo bana bilongwa byandi bikatakata. (Kup 4:9, 10; Ñi 78:4-7) Dyalelo nadyo, bambutwile ne bantu bakwabo mu kipwilo babwanya kufundija bankasampe bintu bya kutendelwa bilongele Yehova kupityila ku bulongolodi bwandi.

TALAI VIDEO TULAMEI BUMO MU KITATYI KYA KUKANKAJIBWA, KUPWA LONDOLOLAI BINO BIPANGUJO:

• Lelo musambo wa Otrishe wakweshe namani banabetu ba mu matanda amo obadi bakankeje’mo mwingilo wetu?

• Le banabetu ba mu ano matanda balamine namani lwitabijo lwabo?

• Mwanda waka banabetu bavule ba mu Rumani batambile mu bulongolodi bwa Yehova, ne i muswelo’ka obajokele?

• Le ino video ibakomeja namani lwitabijo lobe?