Mu Bible mudi bimfwa bivule bya milombelo yālondolwelwe na Yehova. Kitatyi kyādi kimona bengidi ba Leza muswelo Yehova waādi ulondolola ku milombelo ya muntu ne muntu ne kwibakwasha, lwitabijo lwabo nalo lwādi lukomena’ko bininge. Nanshi i biyampe netu tulombe Yehova mu bishima bipotoloke ne kuta mutyima muswelo walondolola milombelo yetu. Ino tufwaninwe kuyuka’mba malondololo ku milombelo yetu, abwanya kwishila na byotwadi tulombele. (2Ko 12:7-9; Ef 3:20) Le Yehova ulondololanga milombelo yetu muswelo’ka?

• Ku ngitu, mu malango, nansha kwitukankamika ku mushipiditu potulwa na bikoleja.​—Fid 4:13

• Na kwitupa tunangu pa kukwata butyibi buyampe.​—Yak 1:5

• Na kwitupa mutyima ne bukomo bwa kulonga bintu.​—Fid 2:13

• Na kwitupa ndoe potuzumbija mutyima.​—Fid 4:6, 7

• Na kwingidija bakwabo betukwashe ku ngitu ne mu malango.​—1Yo 3:17, 18

• Kupityila ku banabetu betutela mu milombelo.​—Bil 12:5, 11

TALAI VIDEO YEHOVA I “MWINE WIVWANANGA MILOMBELO” KUPWA LONDOLOLAI BINO BIPANGUJO:

• Le kimfwa kya tutu Shimizu kitukankamika namani shi ketukilongangapo bivule pa mwanda wa bukomo bwetu bwa ngitu?

• Le i muswelo’ka otubwanya kwiula kimfwa kya tutu Shimizu?