Twingidijanga bukomo bwetu na tunangu na kwitungila bitungo bya ku mushipiditu. (1Ko 9:26) Bitungo bitukwashanga twingidije senene kitatyi kyashala’ko kumeso kwa ino ngikadilo ya bintu kufula. (Ef 5:15, 16) Mu butōtyi bwenu bwa kisaka mubwanya kwisambila’mo pa bitungo byomubwanya kwitungila mu mwaka mupya wa mingilo. Bandaulai ne milombelo ponka myanda isambilwe’po mu kano kabuku ka ku kupwila isambila pa bitungo byomubwanya kwitungila.​—Yak 1:5.

Kimfwa, le mubulwe’po kwingidila pamo mu kisaka mwanda wa kukwatakanya’ko muntu nansha umo wa mu kyenu kisaka engile bu pania wa lonso? Shi ulanga’mba kubwanyapo kufikila pa mansá alombelwe, nabya wisambe na bapania badi na milangwe na yobe ino beinekenya. (Nki 15:22) Kadi ubwanya kwita pania mu butōtyi bwenu bwa kisaka ne kumwipangula. Ikala na mpangiko milembe. Shi wadi pania mu mafuku kunyuma, bandaula shi ngikadilo yodi’mo ibwanya kukulengeja wingile monka uno mwingilo.

Le mu kyobe kisaka mudi muntu ubwanya kwingila bu pania mukwashi mu bula bwa kweji umo nansha mavule? Shi kukidipo na bukomo buvule, nankyo ubwanya kwingila bu pania mukwashi na kupityija kitatyi kityetye mu busapudi difuku ne difuku. Kadi shi kudipo na kitatyi kivule kya kusapula mu yenga pa mwanda wa kaji, masomo, nabya ubwanya kwingila bu pania mu kweji odi mu konje. Lemba pa mpangiko yobe kitatyi kyolanga kushilula bu pania mukwashi.​—Nki 21:5.

TALAI VIDEO KANKAMANA . . . A PANIA, KUPWA LONDOLOLAI KINO KIPANGUJO:

• Le kimfwa kya Kaka Aamand kitufundija bika pa muswelo ukwatakanyanga Yehova boba bepāna mu mwingilo wa bu pania?