Kwitūla pa kyaba kya bakwabo i bukomo bwa kwivwanija mulangilo, mwiivwanino, būmi, ne bisakibwa byabo. Shi tudi na buno bukomo bantu bakayuka, kadi buketutonona tukimbe muswelo wa kwibakwasha. Shi twitūla pa kyaba kya bakwabo mu busapudi, nabya tulombolanga buswe bwa Yehova ne muswelo wata bantu mutyima, kadi kino kibakokelanga kwadi.​—Fid 2:4.

Kwitūla pa kyaba kya bakwabo ke busendwepo bitupu; kumwekelanga mu muswelo otuteja, otwisamba, otwikele, motujinyinya ngitu ne mu bilomboji byetu bya mpala. Twitūlanga pa kyaba kya muntu na kumuta mutyima bya binebine. Tuta mutyima ku byatele mutyima, ku nkulupilo yandi ne ku ngikadilo yadi’mo. Tumupa milangwe ne bukwashi bwa kamweno kwampikwa kumuningila ashinte. Shi bantu abaitabija bukwashi bwetu, kino kilengejanga tusangele bininge busapudi.

TALAI VIDEO YA DRAME IKALA NA NSANGAJI MU KULONGA BANA BA BWANGA—LUMBULULA BWINO BOBE—WITŪLE PA KYABA KYA BAKWENU, KUPWA LONDOLOLAI BINO BIPANGUJO:

• Patyelewanga Jolie, le Meta wetūlanga namani pa kyaba kyandi?

• Le Meta wetūlanga namani pa kyaba kya Jolie paanenanga’mba kevwenepo bifunda?

• Le Meta wetūlanga namani pa kyaba kya Jolie paanenanga’mba bya kupangika bintu i bimukomene?