WIIBIDIJE MWA KUSAPWILA | SANGELA BININGE BUSAPUDI
Kutenga Mutyima
Kukōkela Leza kutambanga ku mutyima. (Nki 3:1) Nanshi, potufundija, tulongei bukomo bwa kutenga mityima ya botufundija. Namani?
Kokemanina’nka pa kusapwila mwifundi bubine bwa mu Bible, ino mukwashe ebukwatañanye na būmi bwandi ne na kipwano kyandi na Yehova. Mukwashe emwene misoñanya ya mu Bible moilombwela buswe bwa Leza, buyampe bwandi ne boloke bwandi. Mwipangule bipangujo na bunwa bimukwasha alombole mwamwena byobya byafunda. Mukwashe alangulukile pa mukalumbulukila būmi bwandi shi washinta milangwe mibi ne bilongwa bibi. Ukasangala bininge pokamona mwifundi obe usanswa Yehova na mutyima wandi onso.
TALAI VIDEO YA DRAME IKALA NA NSANGAJI MU KULONGA BANA BA BWANGA—LUMBULULA BWINO BOBE—TENGA MUTYIMA, KUPWA LONDOLOLAI BINO BIPANGUJO:
-
Mwanda waka Meta waipangulanga Jolie amba: “Le wi mulangulukile pa byotwesambile Dya Mwanzo?”
-
Le Meta wakwashanga namani Jolie amone misoñanya ya mu Bible moilombwela buswe bumusenswe Yehova?
-
Shi tutenga mutyima wa mwifundi, nabya tukamulengeja ekale na mutyima wa kwendelela kumeso
Le Meta wakwasha namani Jolie alangulukile pa muswelo wabwanya kulombola buswe bwandi kudi Leza?
