Bisonekwa bitunena kumona banunu bene Kidishitu pamo bwa batata ne bamama, basongwa nabo pamo bwa banabetu. (Tanga 1 Temote 5:1, 2.) Kupityidila batutu bafwaninwe kupa bakaka bulēmantu.

Tutu kafwaninwepo kuselembeja kaka nansha kumulonga kintu kibwanya kumulengeja evwane bumvu. (Yob 31:1) Tutu nkungulume kafwaninwepo kukaila kaka mu malango, bine bikamulengeja alange amba usakanga kumusonga nanshi papo aye kadipo na yayo milangwe.

Bakulumpe bafwaninwe kuta mutyima na kanye ku bipangujo bya bakaka bepangula pa mwanda kampanda nansha kabidye ulomba kutebwa’ko mutyima. Bakulumpe batanga nakampata mutyima kudi kaka wampikwa mulume wa kumukinga.​—Lut 2:8, 9.

TALAI VIDEO LOMBOLA MU KIPWILO BUSWE KEBUKANKALWANGAPO-KU BAKAJI BA KISHALA NE BANA BAMPIKWA BASHABO, KUPWA LONDOLOLAI BINO BIPANGUJO:

• Le kipwilo kyalombwele namani buswe butulumukwa kudi Kaka Myint?

• Le buswe bwalombwele kipwilo kudi uno kaka bwaletele namani bukamoni mu kibundi?

• Le bana bana-bakaji ba Kaka Myint batengelwe namani na buswe bwebalombwele kipwilo?

Le i mu miswelo’ka imo mipotoloke yokokeja kulombola bakaka ba mu kyenu kipwilo amba wibatele mutyima na buswe?