Mu mukanda wandi wa ku bukomo bwa mushipiditu waātumine Tetusa, mutumibwa Polo wālembele amba bansongwalume, kubadila’mo ne Tetusa bafwaninwe kwikankila’ko kwikala “bu kimfwa kya mingilo milumbuluke mu miswelo yonso.” (Tet 2:6, 7) Mu vese mukwabo enka mu uno shapita, wālombwele amba bantu ba Yehova i batōkejibwe mwanda wa bekale “bapyasakenine mingilo milumbuluke.” (Tet 2:14) Mu ino mingilo milumbuluke mudi ne wa kusapula ne kufundija myanda ya Bulopwe bwa Leza. Shi wi nkasampe, ubulwe’po kwingidija bukomo bobe bwa bunkasampe na kwingila bu pania mukwashi nansha wa lonso?—Nki 20:29.

Shi usaka kwingila bu pania, witūdile’ko mpangiko mipotoloke ya mwa kwikadila’bo. (Luk 14:28-30) Kimfwa, le i muswelo’ka obwanya kusokola’ko kalupeto koku wingila mwingilo wa kitatyi kyonso? Le wi mwilongolole namani mwa kubwaninya nsá ilombelwe? Lomba Yehova akukwashe pa uno mwanda. (Ñi 37:5) Lomba madingi ku bambutwile bobe ne ku boba bengila kala senene mwingilo wa bupania. Kupwa longa bintu bikukwasha ufikile pa kitungo kyobe. Yehova ukakwesela bya binebine pa bukomo bolonga mu mwingilo wandi.

TALAI VIDEO BANKASAMPE BATUMBIJA YEHOVA, KUPWA LONDOLOLAI BINO BIPANGUJO:

• Le i makambakano’ka anekenye banabetu bamo pa kwingila bu bapania, ne banekenye’o namani?

• Le bambutwile babwanya namani kukwasha babo bana bengile bu bapania ba lonso?

• Mwanda waka kwikala na mpangiko ya mwa kusapwila kudi na mvubu?

• Le banabetu mu kipwilo babwanya namani kukankamika ne kukwasha bapania?

• Le i madyese’ka eselwanga bapania?