Bantu ba Yehova bonso babwanya kwingidila Leza wetu mingilo miyampe keikedibwapo. Enka na kemwidilwangapo mbutwile wa buswe bintu biyampe bimulongela bana, mo monka ne Yehova nandi kelwangapo nansha dimo mwingilo wetu ne buswe botusenswe dijina dyandi. (Mat 6:20; Bah 6:10) Shako, bukomo ne ngikadilo yotudi’mo i bishile. Inoko, shi twielele’ko kwingidila Yehova, tukekala na nsangaji. (Ngt 6:4; Kol 3:23) Mu bula bwa myaka, kudi batutu ne bakaka bavule ke bengile ku Betele. Le ubwanya kwituma ku mwingilo wa ku Betele? Shi kubwanyapo, ubulwe’po kukankamika muntu mukwabo ende’ko, nansha kukwasha wa mu kisaka kya Betele endelele kwingila uno mwingilo wa pa bula?

TALAI VIDEO LONGA BUKOMO UKENGILE KU BETELE, KUPWA LONDOLOLAI BINO BIPANGUJO:

• Le i bika bifwaninwe kukulengeja ukengile ku Betele?

• Le banabetu bamo i banene bika pa madyese obemwenine pobadi bengila ku Betele?

• Le i bisakibwa’ka bilombwa pa kukengila ku Betele?

• I muswelo’ka obwanya kulomba kukengila ku Betele?