Lelo mavideo ne bipangujo biloba tudi mu kanwa bidi mu dibuku Ikala Mūmi Nyeke! bikusangajanga? Le umonanga namani kwingidija kipindi “Bantu Bamo Banenanga’mba,” “Witungile Kitungo,” ne kipindi “Kimba”? Le i bipindi’ka bikwabo mu dino dibuku bikukwashanga poendeja kifundwa?​—Mat 28:19, 20.

Bya Kunyemena’ko: Shi ubatonge kwendeja kifundwa mu dibuku ditampe, le i muswelo’ka obwanya kusokola bukidibukidi mavideo onso ne bingidilwa bikwabo bya kutadila’ko bidi mu kifundwa’kya pa kifuko kimo? Twela mu dibuku dya mu bingidilwa bya busendwe, twela mu kipindi kimo pa bipindi biná bidi kūlu. Toneka pobalembele amba, “Bya Kunyemena’ko” kunshi kwa mitwe ya myanda ya bifundwa. (Tala kifwatulo 1.)

Kipindi “Mode Image”: Shi wifundilanga na muntu ku kingidilwa kya busendwe, nabya ukasangela kipindi “Mode Image” kitatyi kyomwifunda. Twela mu kifundwa, utoneke pa tutonye tusatu kūlu ku kuboko kwa lundyo, kupwa utoneke pa “Mode Image.” Buno bupunga bwa dibuku bukakukwasha ulame mu ñeni mukwatañenine myanda ya mu kifundwa na mutwe wa mwanda. Pa kutamba’mo, jokela pa tutonye tusatu utoneke pa “Mode Texte.”

“Le Mbwanya Pano?”: Tuno tupango tudi dya ku mfulo kwa dibuku, twisambilanga pa bifwaninwe kulonga muntu pa kubwanya bisakibwa bya kwikala musapudi ne kubatyijibwa. (Tala kifwatulo 2.)

Bilembwa bya ku Mfulo: Bilembwa bya ku mfulo bishintulula myanda imoimo ya mvubu. Mu dibuku dya mu bingidilwa bya busendwe mudi tushinda ku mfulo kwa bilembwa bya ku mfulo byonso tukujokeja pomwakadikilanga mu kifundwa. (Tala kifwatulo 2.)