BŪMI BWA BENE KIDISHITU
A Bambutwile—Kwashai Benu Bana Bekale na Tunangu Tutamba Kudi Leza
Muswelo umo bidi muyampe ubwanya bambutwile kukwasha babo bana bekale na tunangu twa Leza, i na kwibakwasha bamwene ne pa mfulo mu kupwila kwa bwine Kidishitu. Bintu byobamona, byobevwana, ne byobanena mu malondololo obaleta ku kupwila, bibwanya kwibakwasha befunde bivule padi Yehova ne kwikala balunda nandi. (Kup 31:12, 13) Shi wi mbutwile, le i muswelo’ka obwanya kukwasha obe mwana amwene mu kupwila?
-
Longa bukomo utanwe ku kupwila kwa mpala na mpala.—Ñi 22:22
-
Witūdile’ko kitatyi kya kwikankamika na banabetu ku Njibo ya Bulopwe kumeso ne pa kupwa kupwila.—Bah 10:25
-
Longa bukomo amba umo ne umo wa mu kisaka ekale na mabuku efundwa ku kupwila, ekale i matampe nansha a mu bingidilwa bya busendwe
-
Kwasha obe mwana ateakanye malondololo mu byandi bishima.—Mat 21:15, 16
-
Nenena biyampe kupwila ne bulombodi bomutambula’ko
-
Kwasha bobe bana bengile mingilo ya mu kipwilo pamo bwa kukundula Njibo ya Bulopwe, kadi bekale na kibidiji kya kwisamba na bantu batame ba mu kipwilo
Bilomba bivule pa kukwasha bobe bana bafwene kudi Yehova, kadi kyaba kimo bibwanya kumweka bu kiselwa kilēma. Ino nansha nankyo, abe kulupila’mba Yehova usa kukukwasha.—Isa 40:29.
TALAI VIDEO BAMBUTWILE, KULUPILAI MUDI YEHOVA NE MU BUKOMO BWANDI, KUPWA LONDOLOLAI BINO BIPANGUJO:
-
Le bukōke bwadi na lupusa’ka padi ba Zack ne Leah?
-
Mwanda waka bambutwile bafwaninwe kulomba Yehova ebape bukomo?
-
Le i muswelo’ka walombolanga ba Zack ne Leah amba bakulupīle mudi Yehova bu wa kwibakwasha?
