KYOKWIKADILE KWA MVUBU: Kusapula na telefone i muswelo muyampe “wa kusapula ne pa mfulo bukamoni bwa myanda miyampe.” (Bil 20:24) * Telefone itukwashanga tusapwile boba bonso boketubwanyapo kukamona mwanda wa ngikadilo yotudi’mo.

MWA KUSAPWILA:

• Witeakanye. Tonga mwanda kampanda mufwaninwe. Kupwa lemba byosaka kunena. Ubwanya ne kuteakanya kamusapu kēpi kalombola kitungo kine kyoityila shi mwine oita ketabilepo. I kiyampe kushikata ku meza na byowalembanga ne bingidilwa bikwabo byosakilwa, kimfwa kingidilwa kya busendwe kyoūtwile’mo kala JW Library^® nansha jw.org^®

• Leka kusela mutyima kūlu. Nena monenenanga. Mungamunga ne kujinya ngitu pamo na banwe bemwene na omwisamba nandi. Epuka kwishinkijashinkija. Kadi i biyampe kusapula pamo na muntu mukwabo. Shi mwinē njibo waipangula kipangujo, pituluka’mo na diwi ditunduke mwanda wa yewa omusapula nandi akimbe malondololo

• Ala kyalwilo kya kujokela’mo. Shi muntu wasangela, ubwanya kumushila kipangujo kya kukalondolola pokamwita dikwabo. Ubwanya kumunena umutumine dibuku mu musapu wa pa Entelenete, nansha kukamupa’dyo abe mwine. Ubwanya kadi kumunena umutumine kashinda mu musapu katwala ku video nansha ku kishinte kampanda. Shi bibwanika mulombole Bifundwa bya pa Entelenete bya Kwifunda Bible, nansha mwanda mukwabo udi pa site yetu