Le i myaka inga yokodi mutengele kwiya kwa Bulopwe bwa Leza? Le ūmininanga na kitūkijetyima nansha byokudi masusu? (Lo 8:25) Bene Kidishitu bamo bekondanga na mushikwa, kususulwa, kukutwa nansha ke na byaka bya lufu. Bavule nabo bekondanga na matompo pamo bwa misongo ya zenzeka nansha bununu.

Le i bika biketukwasha twilaije na kipyupyu nansha shi twikonda na matompo’ka? Tufwaninwe kudisha lwitabijo lwetu difuku ne difuku na kutanga Bible ne kulangulukila’po. Tufwaninwe kuta mutyima ku lukulupilo lwetu. (2Ko 4:16-18; Bah 12:2) Tuzenzei Yehova mu milombelo na kumulomba bukomo bwa mushipiditu wandi ujila. (Luk 11:10, 13; Bah 5:7) Tata wetu wa buswe ubwanya kwitukwasha ‘tūminine ne pa mfulo na kitūkijetyima ne nsangaji.’—Kol 1:11.

TALAI VIDEO “TUNYEMEI NA KŪMININA”—KULUPILA’MBA USA KUTAMBULA MPALO, KUPWA LONDOLOLAI BINO BIPANGUJO:

• Le “myanda yampikwa kulaa” ibwanya kwitutana mu būmi i myanda’ka? (Mus 9:11)

• Le milombelo itukwashanga namani potudi mu matompo?

• Shi ketukibwanyapo kulonga bintu bivule mu mwingilo wa Yehova na motwadi twibilongela, mwanda waka tufwaninwe kuta mutyima’nka ku byotubwanya kulonga?

• Le i bika bikukwashanga ukulupile nyeke amba usa kutambula mpalo?