Bible wālaile’mba Satana uketupangapanga ne kukalakanya mwingilo wetu. (Yoa 15:20; Kus 12:17) I muswelo’ka otukakwasha banabetu bene Kidishitu basusuka na kupangwapangwa mu matanda makwabo? I na kulombela pa mwanda wabo. “Milombelo ya kwabija ya moloke idi na bukomo kadi ingilanga.”—Yak 5:16.

I bika byotukalomba? Tukalomba Yehova ape batutu ne bakaka bukankamane ne kwibakwasha baleke kwikala na moyo. (Isa 41:10-13) Kadi tukokeja ne kulombela pangala pa balupusa bekale na mumweno muyampe pa mwingilo wa busapudi, “mwanda wa twikale talala nyā ne mu ndoe.”—1Tm 2:1, 2.

Pādi papangwapangwa ba Polo ne Petelo, bene Kidishitu ba mu myaka katwa kabajinji bālombele pa mwanda wabo na kwibatela pa majina abo. (Bil 12:5; Lo 15:30, 31) Nansha byoketuyukilepo majina a bonso bapangwapangwa dyalelo, tubulwe’po kutela kipwilo kyabo, ntanda yabo nansha kibundi kyabo?