Kipangujo: Bantu bamo batatananga’mba Yesu kādi’kopo, bakwabo nabo amba wādi’ko. Ino bangi nabo amba i kutupu mwakuyukila shi wādi’ko bine. Le abe nobe?

Pāna: Uno Réveillez-vous ! uleta bukamoni bubingija uno mwanda.

Kipangujo: Shi tubafu twikalanga namani?

Kisonekwa: Yoa 11:11-14

Bubine: Shi muntu wafu būmi bwandi bubafule. O mwanda ketudipo ne kya kutyinina motukekadila shi tubafu. Yesu wādingakenye lufu na tulo. Monka mwaālangwidile Lazalasa, Yesu ‘ukalangula’ baswe betu bafwile mwanda wa bekale monka na būmi pano pa ntanda.—Yob 14:14.

Pāna: Nakwite wiye utanwe ku dishikulu dya mu Bible dya ku bitupu. Dikanenwa ku Njibo ya Bulopwe ya muno mwetu, ko kunena’mba kifuko kyetu kya kutōtela’po. [Pāna kakanda ka lwito, mulombole kitatyi ne kifuko kyotupwidilanga’po ku mfulo kwa yenga, ne mutwe wa mwanda wa dishikulu dya bantu bonso.]

Kipangujo: Le kashā kodi mwende ku Njibo ya Bulopwe? [Shi bibwanika, mulombole video inena’mba I Bika Biloñwanga ku Njibo ya Bulopwe?]