Byafwena kyamalwa kikatampe, mwingilo wetu wa busapudi nao ke wa kampeja bukidi. (Nki 24:11, 12, 20) Pa kukwasha bantu, tukokeja kwingidija tulata twa bupempudi pa kukokela milangwe yabo ku Kinenwa kya Leza ne ku diteba dyetu. Kalata kadi na kode ikutwala ku video Mwanda Waka Twifunde Bible? ne fomu wa kuyuja shi usaka kuyukila’ko bivule nansha wa kifundwa kya Bible. Bantu bamo kebetabijangapo mabuku etu, ino basakanga kutwela pa diteba dyetu. Kokikaka kwibapa kalata ka bupempudi. Inoko, kokapa’ko boba kebasangedilepo musapu.

Poenda mu mingilo yobe ya difuku ne difuku, ubwanya kulangula kusangela kwa muntu na kunena’tu amba: “Ndi na kakintu nkosaka nkupe. Kano kalata kakakutwala pa diteba didi’po myanda ya ku bitupu ne mavideo esambila pa myanda mishileshile.” (Yoa 4:7) Kalata ka bupempudi byo kadi katyetye, ubwanya kusela’ko tubwanine twa kupa bakwabo ponso pamweka mukenga.